insaniyat na jis mein ho wo aadmi nahin jis mein huzur qalb na ho bandagi nahin jis mein junun-e-shauq na ho aashiqi nahin dil ka moamla hai koi dil-lagi nahin rahta hai mere darpai-e-azar phir bhi wo us se agarche meri koi dushmani nahin raaton ki nind din ka sukun ho gaya haram puchha jo kab miloge to bola kabhi nahin khwabida hasraton ka na ho jis mein inikas hai kargah-e-shishagari shairi nahin us ki sharab-e-nab se badh kar hai chashm-e-mast jis ke baghair lutf-e-mai-o-mai-kashi nahin naqd-e-sukhan jo karta hai wo ho sukhan-shanas jauhar-shanas ho na agar jauhari nahin 'barqi' jo khud-shanas hai wo hai khuda-shanas gum-gashtagi-e-hosh-o-khirad be-khudi nahin