is par na ja ki dasht si viran hain putliyan
wo din bhi the ki khwab ke hire jade rahe

poshida til ki ot mein kohsar-e-jaan raha
barson hamari zat pe parde pade rahe

ek dandanati rail si umren guzar gain
do ptriyon ke beach wahi fasle rahe

ek umr teri yaad ke shahr-e-tilism mein
patthar ka nisf aadmi ban kar khade rahe

is khak-e-rah ko kar diya ham-dosh-e-zar magar
sang aastan-e-yar ke patthar bane rahe