is takallum ki ada par koi kya baat kare hont chup hon to tera rang-e-hina baat kare dekh hum khak-nashinon se zamane ka suluk jaise sukhe hue patton se hawa baat kare mujh ko har faisla manzur magar aakhiri bar wo mere samne aa kar tu zara baat kare ek pathrai hui bhid se hun mahw-e-kalam jaise khamosh mazaron se diya baat kare sare aalam se juda ho tera ejaz-e-sukhan jis se tu baat kare us se khuda baat kare