ishq tere se lagawe na khuda aar mujhe na kare dam-e-rihai mein giraftar mujhe husn aur ishq mein ek taur se nisbat hai zarur chashm-e-bimar tujhe di hai dil-e-zar mujhe yar aaya pe mujhe hosh na tha kya kahiye na kiya is dil-e-dushman ne khabar-dar mujhe sang-e-tiflan ki main ummid pe hun diwana tispe dete hain taghaful se ye aazar mujhe jab se nazzara kiya tark hua hun dil-e-sard garm rakhta tha 'yaqin' shola-e-didar mujhe