jalti ruton mein umr guzarne ke baad ab sarshaar ek saya-e-rahmat ne kar diya itna to khud khuda ne banaya nahin hamein jitna hasin aap ki sohbat ne kar diya chahen kisi ko aur wo hasil bhi ho hamein ye kis tarah ka moajiza qismat ne kar diya is zindagi ke sare masail ka hal sanam is zindagi mein aap ki shirkat ne kar diya din-bhar hansi-khushi se guzarne ke baad phir hum ko udas sham ki rangat ne kar diya