jalwe ko parda parde ko jalwa bana diya

jalwe ko parda parde ko jalwa bana diya
ahl-e-nazar ko tum ne tamasha bana diya

zarre ko mahr qatre ko dariya bana diya
teri nazar ne kya se hamein kya bana diya

haq ne tumhein bada hamein chhota bana diya
jo kuchh bana diya bahut achchha bana diya

kya puchhte ho hum ne tumhein kya bana diya
ruh-e-hayat jaan-e-tamanna bana diya

sarmasti-e-bahaar ka aalam na puchhiye
har gul ki us ne saghar-o-sahba bana diya

duniya hamare waste dozakh se kam na thi
duniya ko tere ishq ne duniya bana diya

is dil ka haal puchh rahe hain wo bar-bar
jis dil ko be-niyaz-e-tamanna bana diya

dekhen lahu se bharta hai ab is mein rang kaun
hum ne nai bahaar ka naqsha bana diya

jab koi aankh tera nazzara na kar saki
jaisa kisi k zehn mein aaya bana diya

'sarshaar' un k gham ka ye ehsan bhi khub hai
duniya ko gham-gusar hamara bana diya


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close