jazb jalwon mein hua aisa ki jalwa ban gaya mujh ko samjho sham’-e-mahfil hasti-e-parwana kya zarra zarra hai jahan ka aaj rashk-e-aftab phir koi dohra raha hai tur ka afsana kya jaan kar main un ke qadmon mein gira hun jhum kar maslahat thi 'ishq ki ye laghzish-e-mastana kya kya zarurat hai sune kyon wo meri rudad-e-gham husn ki mahfil mein dard-e-ishq ka afsana kya allah allah aaj wo bhi to gareban-gir hain sun liya hai 'sabir'-e-nashad ka afsana kya