jo jawabon se bhare the wo sawali ho gae aakhirash to sare bartan phir se khali ho gae apni mitti mein dabe jo uth na pae wo kabhi dusron mein jo uge wo la-zawali ho gae na thi khwabon ki mere ashkal na paikar koi teri aankhon se jo guzre to ghazali ho gae pankhudi jab band thi to tha zar-e-gul raegan aur kholi pankhudi to dali dali ho gae hain parinde bhi pareshan phul patte bhi dukhi bagh ujada tha jinhon ne wo hi mali ho gae rah gae wo be-nishan jo rah-e-rasmi pe chale jin ki rahen thi alag wo sab misali ho gae