jo mere gunahon pe nazar rakhte hain
album mein wahi titli ke par rakhte hain

zulmat ki samaat mein khul padta hai
mazlum ke alfaz asar rakhte hain

kis waqt kahan kaun jalata hai charagh
itni to patange bhi khabar rakhte hain

hain aable kanton ke liye pairwi mein
taron ke liye dida-e-tar rakhte hain

baaten wo bhala kaise karenge khul kar
'parwez' miyan dil mein jo dar rakhte hain