kabhi fughan se kabhi siskiyon se bharte hain ye dil ke zakhm kahan marhamon se bharte hain dinon ke sud chukate hain tere kuche mein lagan raat ke hum ratjagon se bharte hain tujhe mila to mohabbat pe phir yaqin aaya purane hijr nai qurbaton se bharte hain tawil qissa hai yun kaun harf harf likhe bayaz-e-dard so hum aansuon se bharte hain hum aise pyason ki tishna-labi ka kya kahiye hum apne jam tumhaare labon se bharte hain