kabhi muqaddar jo ye inayat kare to kya ho bichhad ke mujh se wo meri chahat kare to kya ho wo jis ki sohbat mujhe suhulat se mil gai hai wo shakhs mujh se agar mohabbat kare to kya ho tamam shikwon ko mere hans kar mita raha hai kabhi wo mujh se koi shikayat kare to kya ho jo hans ke raazi rahe khuda ki har ek raza mein phir aisa banda kabhi baghawat kare to kya ho khuda ke hami jo mujh se bigde hain soch rakkhen wo roz-e-mahshar meri himayat kare to kya ho