kahin andhere kahin raushni se darte hue tamam-umr guzari hai hum ne marte hue uda ke le to gai shakh se sabhi patte hawa ne dukh bhi na puchha mera guzarte hue kahin ye khwab si taswir bol utthi to khayal aaya musawwir ko rang bharte hue use to bojh uthana tha apni hasti ka wo muskura na saka aaj bhi sanwarte hue ye zindagi ka bayaban agar ijazat de zara si dhup utha lun yahan thaharte hue