kahin ye dard ka dhaga bhi yun sulajhta hai
girah jo kholen to dil aur bhi ulajhta hai

wo ek baat jo dil mein hai mere us ke liye
zaban se kahta nahin wo magar samajhta hai

main teri aankhon ki ye pyas kis tarah dekhun
mere wajud mein baadal koi garajta hai

ajib chiz hai ye khubi-e-khutut-e-badan
koi libas ho us ke badan pe sajta hai

ye raat aur ye dasti hui si tanhai
lahu ka saz 'qamar' tan-badan mein bajta hai