kaho buton se ki hum taba sada rakhte hain

kaho buton se ki hum taba sada rakhte hain
phir un se arz-e-wafa ka irada rakhte hain

yahi khata hai ki is gir-o-dar mein hum log
dil-e-shagufta jabin-e-kushada rakhte hain

khuda gawah ki asnam se hai kam raghbat
sanam-gari ki tamanna ziyaada rakhte hain

dukan-e-baada-faroshan ke sahn mein 'abid'
farishte khuld ka ek dar kushada rakhte hain