kal raat dil mein yaadon ka mela laga raha
mazi ko chashm-e-haal se main dekhta raha

tere baghair ji to na sakte the hum magar
gham tera zindagi ka sahaara bana raha

munh mein zaban na rakhte the teri gali ke log
main pattharon se tera pata puchhta raha

zindan-e-ehtiyat mein guzri tamam umr
main jurm-e-agahi ki saza katta raha

shal ho gaya wajud to 'abid' khula ye bhed
main jis ko dhundhta tha wo mujh main chhupa raha