kisi se ishq mera walihana hote hue main khud ko dekh raha hun fasana hote hue wo telephone ki ghanti yaqin dilati hai mere qarib hai tu ghaebana hote hue wo nasl-e-nau ke liye de gaya naya fashion main jis libas ko pahnun purana hote hue mera raqib tha jab tak mere qarib raha wo mujh se dur hai ab dostana hote hue ye log mujh ko muhibb-e-watan samajhte nahin meri zaban pe qaumi tarana hote hue wo kaise nashshe ka dil-dada ho gaya 'atish' sharif jis ka mukammal gharana hote hue