koi nazron mein samae to ghazal hoti hai chah diwana banae to ghazal hoti hai dard jab hashr jagae to ghazal hoti hai aah jab rah na pae to ghazal hoti hai jam par jam chhalakte hon teri nazron ke aur ghata jhum ke aae to ghazal hoti hai dil ko diwana-e-didar bana kar koi parda chehre se uthae to ghazal hoti hai ho ke mail-ba-karam ghair pe dilbar koi dil pe aara sa chalae to ghazal hoti hai 'shaikh' aasan nahin taskhir-e-sukhan ki manzil zindagi ras na aae to ghazal hoti hai