kuchh khilaune kabhi aangan mein dikhai dete
kash hum bhi kisi bachche ko mithai dete

sune panghat ka koi dard-bhara git the hum
shahr ke shor mein kya tujh ko sunai dete

kahin be-nur na ho jaen wo budhi aankhen
ghar mein darte the khabar bhi mere bhai dete

sath rahne se bhi khil jate hain rishton ke kanwal
bandishen rone lagin mujh ko rihai dete

in sisakte hue rishton ke kahan the qail
warna hum aur tujhe dagh-e-judai dete

siskiyan us ki na dekhi gain mujh se 'rana'
ro pada main bhi use pahli kamai dete