kuchh mera haal bata de mujh ko mere ashaar suna de mujh ko khwab aane ko hain betab kai aa meri nind sula de mujh ko main tere chaak pe rakkha hun abhi tu bana de ya mita de mujh ko bhul jaun na main chehra apna meri taswir dikha de mujh ko main haqiqat ka parastar rahun itni taufiq khuda de mujh ko apni aankhon mein basa kar ai dost meri nazron se chhupa de mujh ko ab to har shakhs bura lagta hai mujh se ek bar mila de mujh ko