manazir-e-shab-e-rafta KHayal-o-KHwab hue
By lais-quraishiNovember 4, 2020
manazir-e-shab-e-rafta khayal-o-khwab hue
wo ashk the ki sitare sabhi kharab hue
wo na-khuda ki khudai ka jin ko dawa tha
safine un ki himaqat se zer-e-ab hue
hum ahl-e-dard zamane ke hath kya aate
ki hum to apne liye bhi na dastiyab hue
talash-e-jam-e-tarab mein kahan kahan na gae
piye baghair bhi hum to bahut kharab hue
hum un ke aib ko kya aur kyun ayan karte
jo be-zamir the wo khud hi be-naqab hue
fareb hi se nawaza hai un rafiqon ne
meri janab mein aa kar jo baryab hue
tamam umr mazaq-e-junun jo rakhte the
rah-e-khirad mein wahi log kaamyab hue
hamara sabr hai be-intiha to hairat kya
ki 'lais' hum pe sitam bhi to be-hisab hue
wo ashk the ki sitare sabhi kharab hue
wo na-khuda ki khudai ka jin ko dawa tha
safine un ki himaqat se zer-e-ab hue
hum ahl-e-dard zamane ke hath kya aate
ki hum to apne liye bhi na dastiyab hue
talash-e-jam-e-tarab mein kahan kahan na gae
piye baghair bhi hum to bahut kharab hue
hum un ke aib ko kya aur kyun ayan karte
jo be-zamir the wo khud hi be-naqab hue
fareb hi se nawaza hai un rafiqon ne
meri janab mein aa kar jo baryab hue
tamam umr mazaq-e-junun jo rakhte the
rah-e-khirad mein wahi log kaamyab hue
hamara sabr hai be-intiha to hairat kya
ki 'lais' hum pe sitam bhi to be-hisab hue
53347 viewsghazal • English