mango ho abhi dil mujhe nadan samajh kar
phir dunga jawab is ka meri jaan samajh kar

bach jaiyon kambakht meri bakht-e-siyah se
yan aaiyo to ai shab-e-hijran samajh kar

kya kaam mah-e-nau se mujhe main use har dam
dekhun hun tera aks-e-gareban samajh kar

rang apna hua sunte hi multani ki mitti
to kijo safar jaanib-e-multan samajh kar

nau roz hai aur saqi-e-kausar ka hai ab daur
iza de mujhe gardish-e-dauran samajh kar

kalkatta mein ulfat ki gowernor hai sada ishq
aamada ho tu rustam-e-dastan samajh kar

major ne junun ki hai ye tayyar ki paltan
han dekh saf-e-khar-e-mughilan samajh kar

jarnail to sahra mein hain aur koh mein karnail
hai shahr mein chhoda mujhe kaptan samajh kar

kya mohtasib-e-shahr kad-o-bair se lega
hum karte hain paimana se paiman samajh kar

yarab main kahan jaun ki har dam but-e-kafir
iza mujhe deta hai musalman samajh kar

hub bakne laga shab ko jo wo ghusse se munim
ek rahm sa aaya mujhe hizyan samajh kar

arman se arman hai arman na tu ne
arman nikale mere arman samajh kar

dil sard hai tum se ki ba-in garm tapa ke
yak shab bhi na yan soe zamistan samajh kar

myan bos abhi lunga dhari rahwegi tarwar
gali na suna sab ko tu yaksan samajh kar