manzar-e-khema-e-shab dekhne wala hoga
wo charaghon ko bujhaega ujala hoga

sharbati aankhon mein kajal wo lagaega abhi
raat ka rang abhi aur bhi kala hoga

mujh ko thahre hue sahil se nahin thi ummid
mujh ko bahte hue pani ne sambhaala hoga

aaj phir us ne hatheli ko chhupaya man se
aaj phir hath mein ujrat nahin chhaala hoga

zindagi palken bichha de ki badi mushkil se
maut ne tere liye waqt nikala hoga