maut insan ke jine ka badal hoti hai zindagani mein hi poshida ajal hoti hai ai mere katib-e-taqdir zara ye to bata teri tahrir bhi kya radd-o-badal hoti hai tum agar chaho to wo khun bhi de sakta hai ek mazlum ki har baat atal hoti hai sher-goi ki aziyyat bhi aziyyat hai ajib quwwat-e-fikr har ek sher pe shal hoti hai khun jalta hai mere jism ka pahle 'atish' tab kahin ja ke meri ek ghazal hoti hai