mere panw mein pael ki wahi jhankar zinda hai mohabbat ki kahani mein mera kirdar zinda hai usi ke nam se har-waqt mera dil dhadakta hai main zinda is liye hun ki mera dildar zinda hun jahan kal har qadam par muskurahat raqs karti thi main khush hun aaj bhi wo raunaq-e-bazar zinda hai yahan dekha hai main ne khud-suron ko khak mein milte tera sar jhuk gaya lekin mera inkar zinda hai musawwir ne to sari dilkashi taswir mein bhar di rahega fan salamat jab talak fankar zinda hai meri tahzib mere sath hai mahw-e-safar har-dam mere afkar zinda hain mera izhaar zinda hai 'iram' par dhup ka ehsas ghaalib aa nahin sakta mere sar par abhi tak saya-e-diwar zinda hai