mili dil ki apne khabar sanam tujhe dil mein jab se basa liya teri chah apni talash thi tujhe pa ke khud ko hai pa liya ye hunar hai meri nigah ka to tufail teri nigah ka tujhe main ne apna bana liya mujhe tu ne apna bana liya thi hayat bar-e-garan sanam mile dam-ba-dam mujhe gham hi gham tere sath ka tha bas aasra jo ye bar main ne utha liya sau musibaton se ghira hua main zamin par tha gira hua tu utar ke arsh se aa gai mujhe hath de ke utha liya main to ek zard sa phul tha jo shajar pe bar-e-fuzul tha zahe teri zarra-nawaziyan jo gale se mujh ko laga liya