nazron se gulon ki nau-nihaalo
shabnam ki tarah gira sambhaalo

mano rah-e-sarkashi nikalo
pagdi mah-o-mehr ki uchhaalo

sayyaad khafa hai bulbul-o-kabak
khamosh raho na bolo-chaalo

asnam mein shan-e-haq ayan hai
aankhen hain to un ko dekho-bhaalo

thahro koi dam ke mehman hain
chalte to hain hum bhi chalne walo

mushtaq-laqa hai ek khudai
ab wada hashr par na talo

jhute wo tum ai gulo ho barson
be-dudh jo tifl-e-ghuncha pa lo

chhalni yunhi dil hai nish-e-gham se
mizhgan ki na barchhiyan sambhaalon

holi nae qumqumon se khelo
par khun-e-dil-e-ashiqan uchhaalo

mara hi jo 'shad' ko hasino
khatir se ghubar to nikalo