parda-e-qalb mein anwar tumhaare dekhe
guftugu kis ne suni kis ne ishaare dekhe

na-tawani pe bharosa hai ajal par takiya
tu ne nakaam-e-mohabbat ke sahaare dekhe

mehrbani ki adaen to qayamat hongi
jaan lene mein ye andaz tumhaare dekhiye

girya-e-chashm se tufan bapa hai lekin
is ka dariya kahin dekha na kinare dekhe

khaksaran-e-jahan-ra ba-haqarat ma-nigar
hum ne is bhes mein allah ke pyare dekhe

partaw-e-shoala-e-rukh aur araq-alud jabin
jis ne dekhe na hon pani mein sharare dekhe