rahti hai mere dil mein kisi dilruba ki yaad har dam mujhe satati hai us bewafa ki yaad bil-khair khatma mera howega hamdamo har-dam hai dil mein hazrat-e-khair-ul-wara ki yaad hairat meri fuzun hui aaina dekh kar aai mujhe kisi ke jo rukh par safa ki yaad ai momino jo chaho rah-e-mustaqim ko har lahza rakkho dil mein shah-e-ambiya ki yaad dil par jo rahta hai rah-e-pur-nur ka khayal rahti hai raat bhar teri zulf-e-dota ki yaad khatka nahin hai dil mein mere roz-e-hashr ka rahti hai mujh ko shafe'-e-roz-e-jaza ki yaad