safar mein tira-shabi ke azab itne hain isi liye to pareshan khwab itne hain jidhar bhi dekhiye dasht-e-tahayyuraat sa hai jidhar bhi jaiye ab inqalab itne hain tumhaare sath chalen hum ne barha socha hamari jaan ko lekin azab itne hain qadam qadam pe hai imkan fareb ka yaro nazar nazar mein yahan to sarab itne hain abhi hai dur har ek mahfil-e-tarab se 'sukhan' dil-o-nazar mein abhi iztirab itne hain