sar par hamare saya-e-diwar bhi nahin suraj sa hum faqiron ka ghar-bar bhi nahin mujh se talluqat ka iqrar bhi nahin aur koi puchhta hai to inkar bhi nahin gahrai us nadi ki bhala kya pata lage jis mein bhanwar nahin koi manjhdar bhi nahin jis ko tamam umr amal mein na la sake aisi wo rae dene ka haqdar bhi nahin sanson ki dor thame chali ja rahi hai umr warna kisi se koi sarokar bhi nahin