Sarakti Jaye Hai
Sarakti Jaye Hai Rukh Se Naqab Ahista-Ahista
Nikalta Aa Raha Hai Aftab Ahista-Ahista
Jawan Hone Lage Jab Wo To Hum Se Kar Liya Parda
Haya Yaklakhat Aayi Aur Shabab Ahista-Ahista
Shab-e-Furkat Ka Jagaa Hun Farishton Ab To Sone Do
Kabhi Fursat Mein Kar Lena Hisab Ahista-Ahista
Sawal-e-Vasl Par Un Ko Adoo Ka Khauf Hai Itna
Dabe Hontho Se Dete Hain Jawab Ahista- Ahista
Hamare Aur Tumhare Pyaar Mein Bas Farq Hai Itna
Idhar To Jaldi Jaldi Hai Udhar Ahista- Ahista
Wo Bedardi Se Sar Kaate 'Ameer' Aur Main Kahun Un Se
Huzoor Ahista-Ahista Janaab Ahista-Ahista!
Please share if you liked this!!!