shiar-e-zist ko kuchh rang-e-jawedana karun
sunaun talkh haqiqat ghazal bahana karun

kabhi to aa ki teri zulf ke tasadduq mein
shuur-o-fikr ko taswir-e-ashiqana karun

hayat barsar-e-tazim dil agar thahre
to kyon na khun-e-jigar sarf-e-dostana karun

bahut hujum hai yaadon ka dil ki basti mein
jo dekh pao to dil ko nigar-khana karun

hunar-nawaz tah-e-qabr ja chuke 'farhat'
daqiq lafzon mein ab rasm-e-dil ada na karun