shoala-e-zauq-e-numu barfab likh kashti-e-dil ho gai gharqab likh zindagi paimana-e-zahrab likh aur ye hai tohfa-e-ahbab likh meri raaten ranj-e-furqat soz-e-dil us ki shab mein ek sunahra khwab likh us ka rutba kab samajh mein aa saka yaad jitne hon sabhi alqab likh kah nahin sakta kabhi main ai 'nadim' jabiron ko bhi mera aadab likh ye munadi hai ghanim-e-waqt ki rut khizan ki hai magar 'shadab' likh ye bhi fatwa hai faqih-e-shahr ka jabr ke suraj ko tu mahtab likh