sine mein sans aankhon mein jab tak ke dam rahe baatil ke samne na mera sar ye kham rahe mausam bhi dil-fareb hai mahaul bhi hasin lag ja gale ki kuchh to wafa ka bharam rahe kirdar par na apne kabhi harf aa saka dushman ki mahfilon mein bhi hum mohtaram rahe waise to ye jahan fasanon ka dher hai lekin fasane apne bahut hi aham rahe hum ne har ek masala hal kar liya magar baqi 'bahaar' zulf ke bas pech-o-kham rahe