tod dete qasam chale aate tum na aate to hum chale aate apni palken bhi hum bichha dete tum agar do qadam chale aate kuchh to dete sila wafaon ka kuchh to rakhte bharam chale aate zakhm dil ke purane bharne lage le ke tir-e-sitam chale aate aable hain ye na-rasai ke dard hota jo kam chale aate tum ne khud hi sada na di warna sar ke bal hum sanam chale aate khol deta jo dil ka darwaza sari duniya ke gham chale aate chashm-e-saqi bula rahi hai 'fahim' tum jo hote baham chale aate