us ki taswir kya lagi hui hai pure kamre mein raushni hui hai kuchh bhi tartib mein nahin tha yahan us ke aane se behtari hui hai dil kisi aur ja ada hua hai ruh kisi aur mein phansi hui hai kaise kah dun main haal-e-dil us se wo mere samne badi hui hai jit jati hai mujh se baaton mein bade school ki padhi hui hai dost to wo bahut purani thi han mohabbat nai nai hui hai us ke rone se mausamon mein nami us ke hansne se dhup si hui hai mere sheron mein aur kuchh na sahi us ki khushbu rachi-basi hui hai ab to haalat kafi behtar hain warna pahle to shairi hui hai aap mat dhundhiyega kuchh is mein ye ghazal us ke nam ki hui hai