uth ke baitha bhi nahin tha abhi bimari se
wasta aan pada be-dar-o-diwari se

warna kuchh bhi nahin maujud ka manzar-nama
aalam-e-khwab bhi hai aalam-e-bedari se

shahr ke log ghalat mujh ko samajhne lag jaen
meri takzib kare aisi adakari se

shahr mein aur bhi hangame hain barpa kya kya
kyon nikalta hi nahin main teri bimari se

us ki duniya se bahut dur nikal jao 'hanif'
is se pahle ki wo dekhe tumhein be-zari se