utho yahan se kahin aur ja ke so jao yahan ke shor se bhago kahin bhi kho jao lahu lahu na karo zindagi ke chehre ko sitamgaron ki nawazish se dur ho jao kahan phiroge ghubar-e-safar ko sath liye mata-e-dard ko daman mein le ke so jao karam ki bhik kahan qatilon ki basti mein badan ka khol uthao lahad mein so jao ye saya-dar shajar to fareb dete hain khizan ke sath raho aandhiyon ke ho jao ye zindagi to farebon ka aaina thahri ab apni khoj mein bhatko farar ho jao