visal aise bhi mahnga padega donon ko
bichhadne ke liye milna padega donon ko

phir aise tark-e-talluq ka faeda kya hai
jab ek kamre mein rahna padega donon ko

ab is kahani ko ek mod ki zarurat hai
ab is kahani mein marna padega donon ko

ye jaan kar bhi talluq badhana thik nahin
ki agle sal bichhadna padega donon ko

qadam qadam pe zamana milega rahon mein
qadam qadam pe sambhalna padega donon ko