wada-e-wasl-e-yar ne mara shiddat-e-intizar ne mara munfail ho ke yar ne mara shikwa-e-bar bar ne mara na chhupa raaz-e-dil magar na chhupa dida-e-ashk-bar ne mara ban ke taqdir rah-e-ghurbat mein jumbish-e-chashm-e-yar ne mara wada-e-be-wafa wafa na hua mujh ko is e'tibar ne mara sadqe dil aisi raazdari par jis ko ho raazdar ne mara ghamza-e-jaan-setan maaz-allah shokhi-e-husn-e-yar ne mara badh gaya aur bhi junun 'afqar' aa ke fasl-e-bahaar ne mara