wo aae nigar main na manun
aa jae qarar main na manun

wo hamdam ghair ho gaya hai
dam-saz ho yar main na manun

duzdida nazar mein ek nazar hai
wo hon na do-chaar main na manun

jo waqt gaya wo phir kahan hai
chhute wo shikar main na manun

khatka na ho aamad-e-khizan ka
ai bagh-o-bahaar main na manun

baz aae tu apni shokhiyon se
ai fitna-shiar main na manun

aaram mile jahan mein us ko
tu jis ka ho yar main na manun

nalon mein tere asar ho paida
ai 'saqi'-e-zar main na manun