wo ek sadi ka banae tha intizam tamam ki ek pal mein hui umr-e-na-tamam tamam abhi main kar bhi na paya tha ek jam tamam nida ye aai ki bas ho chuki ye sham tamam main apni aag mein jalta hun mera haal na puchh mera nafas kiya karta hai mera kaam tamam hawa hi aisi chali thi ukhad gae kheme na kar sake the abhi arsa-e-qiyam tamam khushi hamari baja hai mubah fakhr hamein likhi hai mumlikat-e-gham hamare nam tamam thikane lag gain 'afsar' bachi-khuchi sansen chalo ki ho hi gaya aaj ye bhi kaam tamam