zabt ko aazma ke dekhenge
dard mein muskura ke dekhenge

umr kyon raegan ho shikwon mein
shukr mein sar jhuka ke dekhenge

jis ko jalwat mein kho diya hum ne
us ko khalwat mein pa ke dekhenge

hasraten bujh rahi hain aankhon mein
khun ki shamen jala ke dekhenge

jis ki taswir-e-kun hain ye aalam
us musawwir ke khake dekhenge

mere dil mein sanbhal ke aaen aap
har qadam par dhamake dekhenge

zindagi jaise pyas sahra ki
hum ajal se nibha ke dekhenge