zamin sarakti hai phir saeban tutta hai aur us ke baad sada aasman tutta hai main apne-ap mein taqsim hone lagta hun jo ek pal ko kabhi tera dhyan tutta hai koi parinda sa par kholta hai udne ko phir ek chhanake se ye khak-dan tutta hai jise bhi apni safai mein pesh karta hun wahi gawah wahi mehrban tutta hai na hum mein hausla-e-khud-kushi ki mar jaen na hum se qufl-e-dar-e-pasban tutta hai zakat-e-ishq agar bantne pe aa jaun to ek hujum-e-talab mujh pe aan tutta hai jo aandhiyan sar-e-sahra-e-hijr uthti hain un aandhiyon mein 'raza' nakhl-e-jaan tutta hai