zamin se aasman ghabra gaya hai sawa neze pe suraj aa gaya hai falak pe barq si lahra rahi hai gham-e-hasti ka baadal chha gaya hai jahan zakhm-e-junun ne aankh kholi har ek gul aql ka murjha gaya hai kisi ka dard hai aur apna dil hai ye shisha sang se takra gaya hai jise kal khwab mein dekha tha main ne wo mere samne yun aa gaya hai mujhe khana tha uf 'khurshid' gham ko magar mujh ko yahi khud kha gaya hai