zindagi hum to samajhte the basar ho jaegi kya khabar thi yun musalsal dard-e-sar ho jaegi aap apni surat-e-zeba ko shishe mein huzur ghaur se itna bhi na dekhen nazar ho jaegi nukta-chino bas zara sa dhan kama lene to do dekhna phir meri har khami hunar ho jaegi han yahi hoga mera sach chikhta rah jaega aap ki jhuti kahani mo'atabar ho jaegi aarzu puri nahin hoti yahan 'imran' tum noch lo konpal hi warna ye shajar ho jaegi