jaise islam mein hai rasm musalmani ki
waise hi ishq mein hai chaak-garebani ki

gat yahi khun ki hoti hai jo hai pani ki
rut badal jati hai jab fitrat-e-insani ki

hashr mein ho gai sehhat maraz-e-isyan se
ek khurak dawa pi ke pashemani ki

sukh kar ho chuka hai zard mariz-e-gham-e-hijr
fasl ab katne hi wali hai pareshani ki

donon darkhwasten us shokh ne kharij kar din
pahle to wasl ki aur phir nazar-e-sani ki

zindagi kat di jal jal ke jahan mein 'machis'
waqai tu ne badi ishq mein qurbani ki