ek din hazrat-e-faruq ne mimbar pe kaha kya tumhein hukm jo kuchh dun to karoge manzur ek ne uth ke kaha ye ki na manenge kabhi ki tere adl mein hum ko nazar aata hai futur chadaren mal-e-ghanimat mein jo ab ke aain sehan-e-masjid mein wo taqsim huin sab ke huzur un mein har ek ke hisse mein faqat ek aai tha tumhaara bhi wahi haq ki yahi hai dastur ab jo ye jism pe tere nazar aata hai libas ye usi lut ki chadar se bana hoga zarur mukhtasar thi wo rida aur tera qad hai daraaz ek chadar mein tera jism na hoga mastur apne hisse se ziyaada jo liya tu ne to ab tu khilafat ke na qabil hai na hum hain mamur garche wo had-e-manasib se badha jata tha sab ke sab mohr-ba-lab the che inas o che zakur rok de koi kisi ko ye na rakhta tha majal nashsha-e-adl-o-masawat se sab the makhmur apne farzand se faruq-e-moazzam ne kaha tum ko hai haalat-e-asli ki haqiqat pe ubur tumhin de sakte ho is ka meri jaanib se jawab ki na pakde mujhe mahshar mein mera rabb-e-ghafur bole ye ibn-e-umar sab se mukhatib ho kar is mein kuchh walid-e-majid ka nahin jurm o qusur ek chadar mein jo pura na hua un ka libas kar saki is ko gawara na meri tab-e-ghayur apne hisse ki bhi main ne unhen chadar de di waqia ki ye haqiqat hai ki jo thi mastur nukta-chin ne ye kaha uth ke ki han ai faruq hukm de hum ko ki ab hum use manenge zarur
This is a great walid sahab shayari. True lovers of majid deobandi shayari lyrics will love this. Shayari is the most beautiful way to express yourself and this hazrat fatima shayari is truly a work of art. Please share if you liked this!!!