barf har aan gire jati hai baam-o-dar kucha o maidan chup hain raat ke saya-e-larzan chup hain koi motor kabhi bhule se guzar jati hai har qadam ginti hui apni chundhyai hui aankhon se warna har samt bas ek aahani khamoshi hai koi aawaz na sargoshi hai aur ye dil bhi ki thi garmi-e-bazar jahan aaj muddat se bayaban ki surat chup hai zindagi hai ki kisi taur kate jati hai barf har aan gire jati hai ye saman barf se dhak jaega rah-rau rasta chalte hue thak jaega umr-e-rafta ke khat-o-khal-e-nihan koi mushkil hi se pahchanega raaz sar-basta rahenge dil mein kis ko gham hai ki unhen jaanega waqt ki girti hui barf gire jaegi ek dhundlai hui raat kabhi aaegi zindagi yunhi guzar jaegi
This is a great ramzan shayari in english. True lovers of neend nahi aayegi shayari will love this. Please share if you liked this!!!