kuchh baras us par ka qissa hai
doston ki bazm mein ek din bade da’we

se main ne kah diya tha
dar-asl wo andar se be-tartib hote hain

tute phute hote hain
apne gharon mein jo har ek shai ko saliqe se saja rakhte hain

shikasta chiz ho koi
fauran utha kar phenk dete hain

aur aaj main mahsus karta hun
idhar kuchh din se mujh mein bhi

chizon ko saliqe se sajae rakhne ki tahrik paida ho rahi hai